Malishevë/Kjo është gjendja shëndetësore e familjes pesë anëtarëshe të prekur nga koronavirusi
Mbrëmë ishte rasti i fundit në këtë komunë dhe ishte njëri ndër pesë anëtarët e një familjeje nga Balinca e Malishevës.
Kryetari i Malishevës Ragip Begaj, tha për lajmi.net se familja është nën kujdesin e mjekëve dhe se janë në kontakt të vazhdueshëm me ta.
“Mbrëmë ka dalë një person pozitiv me koronavirus, më tjetër rast nuk kemi informacion që ka. Të prekur me koronavirus është edhe një familje pesë anëtarësh nga Balinca që jetojnë në Malishevë. Mjekët e kanë vizitu, ne nuk kemi mundur, por jemi në kontakt të vazhdueshëm me ta”, ka thënë ai.
Qeverisa e Kosovës nuk është duke u fokusuar në këtë komunë, ku edhe kryetari tha se po presin për ndërmarrjen e hapave nga ekzekutivi.