Deputeti i AAK’së: Vetëvendosje askund nuk po e gjen veten në kushtetutë

Deputeti i Aleancës për Ardhmërinë e Kosovës, Shkumbin Demaliaj, ka komentuar vendimin e Gjykatës Kushtetuese në të cilin thuhet se kryeminsitri në detyrë, Albin Kurti, shkeli kushtetutën me vendimin e qeverisë për kufizimin e lirisë së lëvizjes.

Demaliaj ka thënë se kështu ndodh kur me vonesë dikush fillon ta njohë Republikën, Flamurin, parimet dhe rregullat e funksionomit të saj.

“Ani kur po i dëgjoj politikanët e lëvizjes vetëvendosje duke interpretuar Kushtetutën e Republikës së Kosovës..!! U kënaqen duke qarkulluar nëpër Nene të saj, por, nuk po e gjejnë veten askund..!!Kështu është kur me vonesë dikush fillon ta njohë Republikën, Flamurin , Parimet dhe Rregullat e funksionomit të saj..!!Kohë pandemike por gjithnjë duke i respektuar instruksionet e Institutit të shëndetësisë së Kosovës”, ka shkruar ai në Facebook.

Gjykata Kushtetuese e Kosovës ka vendosur në lidhje me kërkesën e Presidentit për vlerësimin e përputhshmërisë së vendimit të qeverisë me Kushtetutën e Kosovës. Gjykata Kushtetuese ka ven dosur se vendimi i Qeverisë i marrë me 23 mars 2020 nuk është në përputhje me Kushtetutën e Kosovës.