BE mohon njoftimin e Thaçit për emërimin e emisarit për dialog

Presideni i Kosovës, Hashim Thaçi një ditë më parë ka njoftuar se Bashkimi Evropian zyrtarisht e ka emëruar një të dërguar special për dialogun Kosovë-Serbi. Por një zyrtar nga BE-ja e ka mohur një gjë të tillë.

“BE emëroi zyrtarisht të Dërguarin Special për dialogun Kosovë-Serbi. E përgëzoj për punën e këndshme që mori. Por misioni i tij i ri është krijuar të dështojë për shkak të historisë së tij për të ndaluar Sllovakinë të njohë Kosovën dhe të votojë kundër Kosovës në UNESCO”, ka shkruar Thaçi në Twitter.

EU officially appointed a Special Envoy on the dialogue between Kosovo & Serbia. I congratulate him for the nice job he got. But his new mission is designed to fail due to his record to stop Slovakia to recognize Kosovo & the vote against Kosovo’s seat in UNESCO.

— Hashim Thaçi (@HashimThaciRKS) March 20, 2020

Zëdhënësi i përfaqësuesit të lartë të BE-së për Politikë të Jashtme dhe Siguri, Josep Borrell, Peter Stano ka thënë se është i befasuar nga deklarata e pasaktë e presidentit Thaçi.

“I befasuar të shoh një deklaratë të tillë të gabuar dhe faktikisht të pasaktë, procedurat brenda BE-së janë duke vazhduar, asnjë vendim nuk është marrë, nuk është bërë asnjë emërim ose as nuk është shpallur, pasi të përfundojë procesi, ne do të njoftojmë zyrtarisht”, ka shkruar Stano në Twitter.

Surprised to see such inaccurate & factually incorrect statement, procedures within the EU are ongoing,no decision was taken, no appointment made nor announced,once the process is completed, we will announce officially @MFAKOSOVO https://t.co/kZWlGyVlpV

— Peter Stano (@ExtSpoxEU) March 21, 2020

Bashkimi Evropian pritet të emërojë zyrtarisht një emisar të veçantë për bisedimet Kosovë-Serbi.