Mustafa: Grenell më paralajmëroi në telefon për sanksionet e fondeve të MCC-së

Kryetari i Lidhjes Demokratike të Kosovës ka thënë se sot ka biseduar në telefon me ambasadorin Richard Grenell. Ky i fundit thotë se Grenell e ka paralajmëruar për sanksionet rreth fondeve të MCC.

“Sot më ka kontaktuar Grenell në telefon, më ka paralajmëruar për sanksionet rreth fondeve të MCC”, është shprehur Mustafa, në RTV 21.

Tutje ai tha se tarifa duhet hequr pa kushte sepse kështu po thotë aleati ynë, Shtetet e Bashkuara të Amerikës.

“Tarifa nuk i bën më mirë Kosovës, tarifa duhet të hiqet sepse aleati ynë po thotë hiqe pa kushte dhe mos veproni menjëherë me reciprocitetin”, ka thënë Mustafa./FaktePlus