Nesër bëhen bashkë Thaçi, Kurti dhe Osmani, ky është vendi ku do të takohen

Thirrja për takime herë nga presidenti i vendit Hashim Thaçi, e herë nga kryeministri Albin Kurti, duket se do të finalizohet nesër.

Madje, në këtë takim do të jetë e pranishme edhe kryetarja e Kuvendit të Kosovës, Vjosa Osmani.

Prej kohësh herë presidenti e herë kryeministri kanë bërë thirrje për takim por deri më tani nuk ka ndodhur një takim i tillë, shkruan FaktePlus.

Thirrja e fundit është bërë nga kryeministri Albin Kurti drejtuar presidentit të vendit Hashim Thaçi, derisa ky i fundit ishte në Shtetet e Bashkuara të Amerikës.

Por, një takim i cili do t’i bashkojë Thaçin, Kurtin e Osmanin do të ndodhë nesër.

Kjo gjë do të ndodhë në orën 12:00 në Kazermën “Adem Jashari”, ku edhe do parakalojë Ushtria e Kosovës për nder të 22 vjetorit të Epopesë së UÇK-së.

Agjenda e plotë:

22 – vjetori i Epopesë së UÇK-së

Programi: 5 MARS:

Ora e parë mësimore do t’i kushtohet Epopesë së UÇK-së

Vendi: Shkollat në të gjithë Komunat e Republikës së Kosovës Koha: Ora e parë mësimore

09:00 Seanca Solemne e Kuvendit të Republikës së Kosovës

(Seancë solemne në Kuvendin e Republikës së Kosovës nën Patronatin e SH.S. Vjosa OSMANI, të pranishmëve u drejtohet SH.T. Albin KURTI)

Vendi: Kuvendi i Republikës së Kosovës

Seanca Solemne e Kuvendeve Komunale (Mbjellja e 59 fidanëve nga Zyrtarët e Komunave dhe nxënësit, në vendin e caktuar nga Komunat përkatëse)

Vendi: Kuvendet Komunale Koha: sipas vendimit të Kuvendeve Komunale

12:00 Parakalimi i Ushtrisë

(Trupave të FSK-së u drejtohen me fjalim: SH.T. Hashim THAÇI, SH.S. Vjosa OSMANI, SH.T. Albin KURTI, Përfaqësues nga Familja JASHARI)

Vendi: Kazerma “Adem Jashari”

Republika e Kosovës

Republika Kosova-Republic of Kosovo

Qeveria –Vlada-Government

Zyra e Kryeministrit-Ured Premiera-Office of the Prime Minister Kabineti i Zëvendëskryeministrit –Kabinet Zamenik Premijera – The Cabinet of the Deputy Prime Minister

6 MARS:

09:00 Homazhe dhe Vizita në Kompleksin Memorial Adem Jashari (Vendosje kurorash nga 3 liderët në Kompleksin Adem JASHARI) Vendi: Prekaz, Skënderaj

12:00 Homazhe në të gjithë Komplekset Memoriale të Dëshmorëve të UÇK-së Vendi: Të gjithë Komplekset në Republikën e Kosovës

17:00 Akademi përkujtimore kushtuar Komandantit Legjendar Adem Jashari, Familjes Jashari dhe gjithë dëshmorëve dhe të rënëve për liri.

(Të pranishmëve u drejtohen me fjalim: SH.T. Hashim THAÇI, SH.S. Vjosa OSMANI, SH.T. Albin KURTI, historian Prof.Agim VINCA, Kryetari i shoqatave të dala nga lufta z.Hysni GUCATI, Përfaqësues nga Familja JASHARI)

Vendi : Salla e Kuqe në Pallatin e Rinisë dhe Sporteve 7 MARS:

12:00 Homazhe pranë Shtëpisë së Familjes Jashari (SH.T. Albin KURTI dhe SH.S. Vjosa Osmani bëjnë homazhe tek shtëpia e familjes JASHARI) Vendi: Prekaz, Skënderaj

18:00 Nata e Zjarreve (Në kompleksin memorial “Adem Jashari” në Prekaz ndizen flakadanët dhe më pas vijon programi kulturor – artistik, i cili do të mbahet në sheshin “Adem Jashari” në Skënderaj)

Vendi: Prekaz – Skënderaj/FaktePlus