Alarmon eksperti i OBSH-së: Bota nuk është e gatshme për coronavirusin
Vendet jashtë Kinës nuk janë të gatshme akoma të përballojnë pandeminë e coronavirusit.
Kështu të paktën mendon Bruce Aylward, një ekspert i Organizatës Botërore të Shëndetit.
Aylward, një epidemiolog thotë se vendet të cilat nuk janë pajisur me teknologjinë e Kinës, do të hasin në vështirësi nëse virusi zgjerohet.
“Kemi ardhur në përfundim se bota nuk është gati”, ka thënë Aylward të martën në një konferencë shtypi.
“Mund të përgatitemi shpejt, por duhet të mendojmë se si duhet ta menaxhojmë sëmundjen”, është deklaruar ai.
Aylward i cili drejtoi misionin e COVID-19 në Kinë vlerësoi karantinat në shkallë të gjerë të vendit, dhe masat e kontrollit, si dhe aftësinë e laboratorëve për strehuar mijëra njerëz nga virusi.
“Merreni shembullin e Kinës, ata janë shprehur të gatshëm të përballojnë këtë gjendje”, ka thënë Aylward.
Paralajmërimi i tij vjen pasi përhapja e virusit është zgjeruar me të madhe në vende të ndryshme të botës.
Kujtojmë se virusi, i cili u shfaq për herë të parë në qytetin kinez Wuhan, ka vrarë të paktën 2,700 njerëz dhe ka infektuar 80,000 të tjerë, kryesisht në Kinë.
