Tri raste të reja në Kosovë të dyshuara me koronavirus, në mesin e tyre edhe një kinez
Një qytetar me origjinë nga Kina është shtrirë mbrëmë në Klinikën Infektive në QKUK, i cili po dyshohet se është prekur nga koronavirusi.
Lajmin për FaktePLus, e kanë konfrimuar edhe zyrtarë në QKUK.
Pacienti nuk ka simptoma të theksuara të sëmundjes që ka origjinën nga vendi i tij Kina, por pas dyshimeve dhe shqetësimeve që ka pasur është paraqitur në Klinikën Infektive.
Mjekët janë duke observuar gjendjen e tij dhe deri më tani nuk ka ndonjë konfirmim nëse është prekur nga koronavirusi.
Po, ashtu në Klinikën Infekive janë duke u trajtuar edhe dy raste të tjera të dyshimta.
QKUK në një përgjigje për FaktePlus ka deklaruar se shtetasi kinez është 28-vjeçar dhe i janë marr mostrat për analiza. Përveç tij janë edhe dy kosovarë që do të testohen për koronavirus të cilët janë të kthyer nga Italia.
“Një shtetas kinez 28-vjeçar, një femër 27-vjeçare studente në afërsi të Romës në Piaqenzanga Prishtina, dhe një shqiptar 39-vjeçar i punësuar në Milano, u janë marr mostrat dhe pritet rezultati i analizave”, thuhet në përgjigjen e QKUK-së.
Kujtojmë se edhe në ditët e kaluara ka pasur raste të dyshimta në Klinikën Infektive të cilat pas testimeve në laboratorin e Institutit Kombëtar kanë rezultuar negativ dhe janë liruar nga spitali./FaktePlus
