Arrestohet një person në Pejë për armëmbajtje pa leje

Njësiti policor pranë Stacionit Policor në Pejë, me datën 15.02.2020, ka pranuar informatë se në një lokal në fshatin Kotradiq të Pejës, janë disa persona të dyshuar.

Me të marrë informatën e lartcekur, njësitet relevante menjëherë iu kanë përgjigjur rastit, dhe gjatë bastisjes, tek personi i dyshuar me inicialet A.K., janw gjetur armë.

Është gjetur dhe konfiskuar:

Një pistoletë e tipit “TT” kalibri 9 milimetra,

Një karikator i të njëjtës armë,

Shtatë fishekë 9 milimetra.

“I dyshuari është arrestuar dhe pas intervistimit nga hetuesit, të dyshuarit me urdhër të prokurorit të shtetit iu është caktuar masa e ndalimit Policor dhe është dërguar në mbajtje”.