Zyrtare: Albin Kurti ulë pagat që kishte rritur Haradinaj

Kryeministri i ri, Albin Kurti, këtë të mërkurë, do të mbaj mbledhjen e dytë të Qeverisë.

E këtu do të merret edhe një prej vendimeve të para të tij.

Këtë mbledhje, Kurti do t’ia nis duke shfuqizuar një vendim të Qeverisë Haradinaj.

Në rendin e ditës të kësaj mbledhjeje, pika e parë e rendit të ditës është “Shqyrtimi i Propozim-vendimit për shfuqizimin e vendimit të Qeverisë nr. 04/20 së datës 20 dhjetor 2017 (ZKM)”.

Ditë më parë FaktePlus kishtë raportuar për këtë vendim që pritej ta merrte Kurti, pikërisht në mbledhjen e dytë të Qeverisë.

Agjencia e Lajmeve FaktePlus nga burime brenda Kryeministrisë qysh në javën e kaluar kishte kuptuar se kryeministri Kurti, shumë shpejtë do të anulojë edhe vendimin që ka të bëjë me paga.

“Kryeministri Albin Kurti këtyre ditëve pritet që ta anulojë vendimin e ish- kryeministrit Ramush Haradinaj të datës 20 dhjetor të vitit 2017 ku ia rriti vetes pagën dhe një pjese të kabinetit të tij qeveritar”, kishte thënë ky burim për FaktePlus.

“Dhurata” e parë nga Kurti, merr vendim t’i ulë pagat që i rriti Haradinaj

E kjo ka të bëjë me shfuqizimin e vendimit për ngritjen e pagave të Qeverisë Haradinaj.