Rrugëtimi i Kurtit në 10 Fotografi
Albin Kurti nuk do të jetë më opozitari i përhershëm. Nuk do të jetë më ai qe vetëm kritikon, por tash ai do të kritikohet. Pritjet për të janë të mëdha, sepse vetë i ka ndërtuar
E nisi si student, në protestat e vitit 1997, duke qenë si një nga organizatorët.
Më pas u burgos politikisht në burgun e Pozharecit në Serbi. U liria pas lufte dhe nisi një organizatë joqeveritare.
Kosova Action Network përpiqej ta emanciponte shoqërinë, të fliste për demokracinë dhe qeverisjen.
Nga kjo, ai themeloi Lëvizjen Vetëvendosje duke nisur protestat kundër dialogut për statusin final të Kosovës. Nga paqësore filluan të bëheshin edhe të dhunshme.
Edhe pas shpalljes së pavarësisë ai vazhdoi protetsat, kundër misioneve ndërkombetare, kundër politikave qeverisese në raport me Serbinë e deri të ato kur filloi dialogu për normalizim.
Kishte thënë se nuk futej kurrë në zgjedhje por e bëri në vitin 2010, shkruan Reporteri.
Në vitin 2014 provoi të hyjë ne një aleancë më disa parti tjera opozitare për të mos e lënë PDK-në sërish në pushtet. Nuk ia doli ta mbajë të bashkuar atë aleancë LDK-AAK-NISMA, sepse partneri i tashëm qeverises i Kurtit shkoi me PDK-në për ta marrë postin e Kryeministrit.
Nga ajo kohë, Kurti nuk i ndali psotestat kundër demarkacionit me Malin e Zi dhe marrëveshjes për Aociacionin. E luftoi Isa Mustafën me gjithcka.
Gaz lotsjellës, koktej molotovi u panë brenda dhe jashtë Kuvendit.
Në vitin 2017, Qeveria Mustafa ra e erdhi ajo e Haradinajt me PDK-në. Demarkacioni kaloi. Nga këtu, gradualisht filloi një alenacë me LDK-në.
Kjo ndodhi pasi partia e tij u nda në dysh. Mospajtimet thuhen ishin për shkak të ideve të tij.
Gjithsesi, dëmi nuk ishte i madh për të. Fitoi zgjedhjet e 6 Tetorit dhe iu nevojitën 4 muaj negociata me LDK-në për ta formuar Qeverinë.
Shumë premtime të dhëna ka shkelur në start. Ministritë, Listën Serbe, takimet me zyrtarë serbë, flamuri, ambaadorët, etj, etj.
Një ndryshim i madh ka kapluar Kurtin. A do të jetë ndryshe Kurti edhe si Kryeministër?
