Pas vdekjes së Kobe Bryant, Lakers mposhten në ndeshjen e parë
01/02/2020, 8:12
Los Angeles Lakers janë mposhtur në ndeshjen e parë në shtëpi pas rastit tragjik ku humbi jetën legjenda e tyre, Kobe Bryant.
Në ‘Staples Center’, Lakers janë mposhtur nga Portland Trail Blazers, me rezultat 127-119.
Fillimi i kësaj ndeshje iu dedikua Kobe Bryant, me Lakers që ishte përgatitur të nderonte legjendën e tyre.
Kobe Bryant humbi jetën javën e kaluar, kur helikopteri me të cilin po udhëtonte, u përplas në një kodër, në aferësi të Kalifornisë.
Përveç vajzës së tij Gianna, jetën humbën edhe shtatë persona tjera.
