Plaqkitet Gjakovari, nuk ka të arrestuar

Një qytetar nga Gjakova ka raportuar në polici se derisa ishte duke ecur, dy persona të panjohur e kanë plaçkitur

Rasti ka ndodhur mëngjesin e së shtunës në rrugën “Nëna Terezë” në Gjakovë, ku viktima ka bërë të ditur se hajnat i kanë vjedhur një shumë parash.

“Viktima mashkull K/Shqiptar ka raportuar se, përgjatë rrugës derisa ishte duke ecur, dy persona të panjohur me forcë i kanë grabitur një shumë parash dhe janë larguar në drejtim të panjohur”, bëhet e ditur në raportin e policisë.

Po ashtu, policia ka theksuar se rasti është duke u hetuar.