Arrestohet 22 vjeçari për vrasjen në Londër të kosovarit Flamur Beqiri
Një suedez është arrestuar në aeroportin e Kopenhagës me dyshimin se ka vrarë Flamur ‘Alex’ Beqirin më 24 dhjetor në sy të familjes.
Beqiri, 36 vjeç, ka qenë i lidhur me disa vrasje të bandave në Suedi, dhe dikur ishte një nga burrat më të kërkuar të vendit.
Babai i dy fëmijëve u ‘mbush’ me plumba para gruas dhe djalit të tij jashtë shtëpisë së tyre prej 1.5 milion pound në Battersea, Londër.
22 vjeçari, nga Malmo, Suedi, u arrestua nga policia daneze ndërsa u kthye nga një udhëtim në Tajlandë, siç raportohet nga gazeta suedeze Kvallsposten.
Një zëdhënës i Policisë Metropolitane tha: ‘Një burrë 22-vjeçar u arrestua në Aeroportin e Kopenhagën, Danimarkë, më 20 janar me një Urdhër Arrestimi Evropian me dyshimin për vrasjen e Flamur Beqirit. Ai mbetet në paraburgim në Danimarkë në pritje të procedurave të ekstradimit përsëri në Mbretërinë e Bashkuar.”, raporton tch.
Në vitin 2008 Flamuri u emërua si një nga burrat më të kërkuar të Suedisë pasi detektivët thanë se ai ishte pjesë e një unaze ndërkombëtare të kontrabandës së drogës që transferoi 2 milion £ kanabis në Skandinavi, akuza që u rrëzuan më vonë.
