Vazhdon dita e dytë e fushatës, qytetet ku mbajnë tubime partitë

Sot në Kosovë vazhdon dita e dytë e fushatës parazgjedhore për zgjedhjet parlamentare që do të mbahen më 6 tetor.

Dje të gjitha partitë politike të cilat do të garojnë në zgjedhje kanë bërë hapjen e fushatës parazgjedhore.

Fushata e nisur dje përfundon më 4 tetor, ndërsa data 5 tetor është heshtje zgjedhore e cila zgjat deri në mbylljen e qendrave të votimit të dielën në mbrëmje.

Në zgjedhjet e 6 tetorit, garojnë 25 subjekte politike/koalicione parazgjedhore, ndërsa numri i qytetarëve të cilët kanë të drejtë vote është 1,937,869.

Gjatë 10-ditëve të fushatës zgjedhore, nga subjektet politike kërkohet që të zhvillojnë fushatë të qetë.

Sot në ditën e dytë të fushatës disa nga subjektet politike do të mbajnë aktivitetet e tyre nëpër qytetet e Kosovës.

Më poshtë gjeni aktivitetet e disa prej tyre.

Partia FJALA mban fushatë zgjedhore. (Para “Hotel Dukagjini” në Pejë, ora 11:00).

Partia Demokratike e Kosovës hap fushatën zyrtare zgjedhore në Prizren. (Qendra Sportive “Sezai Surroi”, ora 17:40).

Fushata zgjedhore e kandidates për kryeministre nga LDK, Vjosa Osmani, agjenda:

Në orën: 15:00, në Sallën e Kulturës “Jehona e Dukagjinit”, në Klinë.
Në orën 17:00, në Shtëpinë ë Kulturës “Tahir Sinani”, në Malishevë.
Në orën 19:00, në Shtëpinë e Kulturës “Mensur Zyberaj”, në Rahovec.
Në orën 20:00, në palestrën e shkollës fillore në Rogovë-Gjakovë.

Lëvizja Vetëvendosje mban këto tubime elektorale:

Agjenda:
12:00 – Istog, Shtëpia e Kulturës ”Adem Jashari”
18:00 – Artanë, Salla e Sportit në Llabjan
18:00 – Ferizaj, Salla e Sportit ”Bill Clinton”.

Kandidati i PDK-së për kryeministër të Kosovës, Kadri Veseli mban tubime në këto qytete

Agjenda:

14:30 – Tubim me qytetarë të komunës së Dragashit (Shtëpia e Kulturës);
15:30 – Tubim me qytetarë në Zhur (Restorant “Hako”);
16:30 – Tubim me qytetarët në Has të Prizrenit (Restorant “Drini”);
18:00 – Tubim qendror me qytetarët e Prizrenit – Transmetim “live” –(Palestra e Sporteve “Sezai Surroi”);