“Institucionet s’kanë bërë mjaftueshëm në luftimin e ekstremizmit”
Qendra Kosovare për Studime të Sigurisë (QKSS) ka publikuar barometrin “Perceptimet e qytetarëve për kërcënimet e reja të ekstremizmit të dhunshëm në Kosovë”.
Sipas këtij hulumtimi të anketuarit mendojnë se institucionet nuk kanë bërë mjaftueshëm në luftimin e ekstremizmit.
Poashtu të anketuarit ende i konsiderojnë të rrezikshëm personat që janë kthyer nga luftërat e Lindjes së Mesme.
Shumica e tyre mendojnë se ekstremizmi vjen nga politika.
Ndërsa Mimoza Hasani-Pllana, nga Ministria e Arsimit tha se ky institucion ka punuar për parandalimin e ekstremizmit të dhunshëm.
“Kemi punuar edhe me nxënës edhe me mësimdhënës për këtë çështje. Kemi pasur kujdes sepse kjo është tematikë e ndjeshme. Kemi marrë model nga shtetet fqinje”.