Për një ditë, mbi 2 mijë raste të reja me COVID-19 në Gjermani
2 mijë e 5 raste të infektuara me COVID-19 janë raportuar në 24 orët e fundit në Gjermani.
Sipas faqes botërore të statistikave worldometers.info, gjatë kësaj kohe në këtë shtet janë shënuar edhe 78 viktima si pasojë e këtij virusi, ndërsa 5 mijë e 649 persona janë në gjendje të rëndë shëndetësore.
Gjermania radhitet e 10-ta në botë për nga numri i rasteve të infektuara me COVID-19.
1 milionë e 693 mijë e 712 persona janë infektuar me virus, ndërsa 32 mijë e 498 persona kanë humbur jetën nga ai.
1 milionë e 302 mijë e 600 persona janë shëruar nga ky virus, ndërsa 358 mijë e 614 raste janë ende aktive.
Në Gjermani, 33 milionë e 708 mijë e 381 persona janë testuar për COVID-19.
Gjatë 24 orëve të fundit edhe në Itali janë shënuar mijëra raste të infektuara me virus.
Gjatë kësaj kohe në këtë shtet janë raportuar edhe 16 mijë e 202 raste të reja të infektuara me COVID-19, ndërsa kanë vdekur 575 persona.
