3.9 shkallë të rihterit ishte tërmeti në Veri të Kosovës
15/01/2020, 18:22
Instituti Sizmologjik i Kosovës ka konfirmuar se sot rreth orës 17:30 është regjistruar një tërmet në veri të Kosovës me magnitudë prej 3.9 shkallë të rihterit.
Shmsi Mustafa, drejtor i këtij instituti, i ka thënë Insajderit se epiqendra e tërmetit është regjistruar rreth 15 kilometra në veri-perëndim të Leposaviçit.
“Është diku 10-15 kilometra në veri-perëndim të Leposaviçit. Kështu që nuk është e saktë a është në Kosovë apo në Serbi; është në kufi. Është me një magnitudë 3.9 shkallë të rihterit”, ka thënë Mustafa.
Tërmetin e ka raportuar sot edhe EMSC, një institut ndërkombëtar i regjistrimit të tërmeteve. Sipas këtij instituti, tërmeti është ndjerë edhe në Prishtinë, kryeqytetin e vendit.
