17 pacientë me koronavirus po trajtohen në Infektivë, cila është gjendja e tyre

Sikurse edhe vendet e tjera edhe Kosova është duke u përballur me pandeminë e coronavirusit.

Deri më tash në vendin tonë janë testuar mbi 400 raste ku 24 prej tyre kanë rezultuar pozitivë.

Gjendja e pacientëve të prekur me COVID-19 vazhdon të jetë stabile. Kështu ka bërë të ditur për telegrafin, infektologu Valbon Krasniqi.

Infektologu ka treguar se në Klinikën Infektive janë duke u trajtuar 17 pacientë.

Kujtojmë se mbrëmë u konfirmuan edhe dy raste me coronavirus , ku njëri rast ishte nga Suhareka dhe tjetri nga Gjakova.

Instituti Kombëtar i Shëndetësisë Publike ka vazhduar të bëjë apel tek qytetarët që të qëndrojnë në shtëpi dhe tu përmbahen rekomandimeve.